Lucía, Gabriel e Silvia

Aquí temos a Lucía, Gabriel e Silvia que estrearon a actividade do "Voluntariado A" neste novo curso escolar na semana que vai do 6 ao 10 de novembro. Estaban desexando empezar, moito lles tardaba...

Lucía é toda unha experta na materia xa que este é o seu terceiro ano como axudante de biblioteca. Silvia empezou o curso pasado e para Gabriel é a súa primeira experiencia. Para calquera dos tres, a semana pasou voando. O venres estaban tristes porque era o seu último día desta primeira quenda. Vémonos, de novo, a primeiros do segundo trimestre. 

Grazas por tanta ilusión e polo voso traballo e grazas tamén ás mestras de garda pola implicación na formación da voluntariado.

Novo curso, novos colaboradores

O 24 de outubro reuníronse na biblioteca o novo equipo de Voluntariado coa mestra María José para recordar normas, guía do axudante, tarefas... 

E hoxe, 6 de novembro empezamos...

Aquí temos ao alumnado voluntario de 6º

Grazas a  Antía, Andrea, Paula, Lucía, Martín, Sara e Carla.

Alumnado voluntario de 5º

Grazas a Shiva, Tatiana, Bruno, Marta, Sara, Silvia, Johana, Gabriel, Lucas e Diego.

Equipo colaboradores 1718

10 nenas e nenos de 5º e 7 de 6º de E.P. forman o grupo de alumnos colaboradores da biblioteca. 

Xa están preparados para desenvolver a súas tarefas:

- Colocar correctamente os libros nos andeis.

- Realizar préstamos e devolucións de libros e películas.

- Axudar na elaboración de materiais de dinamización da biblioteca.

- Axudar no cumprimento das normas.

- Retirar os libros deteriorados.

- Colaborar cos demais, especialmente co alumnado de 1º ciclo, a buscar libros apropiados á súa idade.

- Levar o correo da "Curuxa" ás titorías.

- Organizar e ordenar o curruncho de lecturas.
- Levar control do número de alumnado que visita diariamente a biblioteca.

Moitas grazas a todos!

Novo curso, novo Voluntariado

Super noticia para o alumnado de 5º e 6º de E.P. Empezamos co Voluntariado da biblioteca este mes de outubro. Na semana que ven  xa vos podedes anotar. 

Alpha, Lara e Tatiana

Os encargados de dar remate a este curso "viaxeiro" son Alpha, Tatiana e Lara. 

Claudia, Eloy e Silvia

Na semana que vai do 5 ao 9 de xuño estiveron de axudantes veteranos Eloy e Claudia. Silvia estrouse como auxiliar e está moi contenta, di que para o próximo curso vai anotarse no voluntariado de lectura. Grazas por tanta ilusión e traballo.

Diana, Damián e Diego

Do 29 de maio ao 2 de xuño é a quenda de Damián, Diana, que xan son veteranos, e Diego que inicia  a súa primeira experiencia como axudante de biblioteca. 
A Diego gústanlle moito as actividades do voluntariado, sobre todo, as que se fan no ordenador como por exemplo préstamos e devolucións. Outra actividade que lles gusta moito, a calquera dos tres, é ordenar libros. Moitas grazas polo voso traballo.