Paula, Lucas e Tatiana

Do 20 ao 24 de novembro estiveron de Axudantes de biblioteca Paula, Lucas e Tatiana. 

Paula é a máis veterana. Lucas e Tatiana estiveron o curso pasado de auxiliares e este ano ascenderon de categoría. Os tres fixeron un bo traballo. Como ao resto dos compañeiros, a semana pasoulles voando. 

O martes tocoulles repartir o correo da Curuxa para anunciar a actividade do 25N. 

Grazas polo voso traballo.                                                                  

Marta e Andrea

Do 13 ao 17 de novembro estiveron de axudantes de biblioteca Marta e Andrea. A Marta gústalle moito ser bibliotecaria, este curso é a súa segunda experiencia. 

Para Andrea é a primeira vez pero aprende moi rápido. Pasoulles a semana voando, dixeron que lles gustaría continuar outra semana máis. 

Moitas grazas polo voso traballo.

/

Lucía, Gabriel e Silvia

Aquí temos a Lucía, Gabriel e Silvia que estrearon a actividade do "Voluntariado A" neste novo curso escolar na semana que vai do 6 ao 10 de novembro. Estaban desexando empezar, moito lles tardaba...

Lucía é toda unha experta na materia xa que este é o seu terceiro ano como axudante de biblioteca. Silvia empezou o curso pasado e para Gabriel é a súa primeira experiencia. Para calquera dos tres, a semana pasou voando. O venres estaban tristes porque era o seu último día desta primeira quenda. Vémonos, de novo, a primeiros do segundo trimestre. 

Grazas por tanta ilusión e polo voso traballo e grazas tamén ás mestras de garda pola implicación na formación da voluntariado.

Novo curso, novos colaboradores

O 24 de outubro reuníronse na biblioteca o novo equipo de Voluntariado coa mestra María José para recordar normas, guía do axudante, tarefas... 

E hoxe, 6 de novembro empezamos...

Aquí temos ao alumnado voluntario de 6º

Grazas a  Antía, Andrea, Paula, Lucía, Martín, Sara e Carla.

Alumnado voluntario de 5º

Grazas a Shiva, Tatiana, Bruno, Marta, Sara, Silvia, Johana, Gabriel, Lucas e Diego.

Equipo colaboradores 1718

10 nenas e nenos de 5º e 7 de 6º de E.P. forman o grupo de alumnos colaboradores da biblioteca. 

Xa están preparados para desenvolver a súas tarefas:

- Colocar correctamente os libros nos andeis.

- Realizar préstamos e devolucións de libros e películas.

- Axudar na elaboración de materiais de dinamización da biblioteca.

- Axudar no cumprimento das normas.

- Retirar os libros deteriorados.

- Colaborar cos demais, especialmente co alumnado de 1º ciclo, a buscar libros apropiados á súa idade.

- Levar o correo da "Curuxa" ás titorías.

- Organizar e ordenar o curruncho de lecturas.
- Levar control do número de alumnado que visita diariamente a biblioteca.

Moitas grazas a todos!