Mencía e Iván

Aquí temos a Mencía e Iván que estrean a actividade do Voluntariado, na semana que vai do 28 ó 31 de outubro. Estaban desexando empezar, moito lles tardaba...

Grazas por tanta ilusión e traballo e grazas, tamén, a Carla que é unha experta na xestión de préstamos e axudoulle aos seus compañeiros. Igualmente ós mestres de garda pola súa implicación na formación do Voluntariado.

Achégase o Samaín e aquí están as alumnas do Voluntariado elaborando materiais para a decoración da biblioteca.

Equipo de colaboradores curso 2019/20

Forman o equipo de colaboradores 18 alumnos/as (11 de 5º e 7  de 6º E.P.)

Xa están preparados para desenvolver as súas tarefas:

• Ordenar libros nos andeis.
• Préstamo e devolución de libros e películas.
• Axudar e propoñer ideas nas actividades de dinamización da biblioteca.
• Selección de libros para campañas de expurgo. Dar de baixa no programa MEIGA.
• Colaborar e axudar ós compañeiros na busca de libros adaptados ás idades.
• Levar o correo e as novas da Curuxa ás titorías. Explicación e reparto de materiais.
• Organizar e ordenar o recuncho lector da entrada da biblioteca. Selección de fondos segundo a conmemoración.
• Facer control diario en Meiga do alumnado que entra na biblioteca, no recreo da mañá.
• Presentar as actividades.

O noso agradecemento ata o infinito a Estela, Yaiza, Carla, Iván, Jesús, Tamara, Luc, Iria H., Sheila, Mencía, Iria S., Judith, Gabriela, Andrea, Shamira, Raquel, Yeisón e Adela.

Novo curso, novo Voluntariado

O alumnado de 5º e 6º E.P. preguntan todos os días, cando empezamos... 
A inscrición xa está feita así que en nada xa estamos en acción. 

Tranquilos, que falta pouco.